Да се помине одредено време на остров, претставува несекојдневно убави искуство. Но велат дека, доколку тоа го направите на најсеверниот и најзелен грчки остров Тасос, тогаш таквото искуство е уште посилно. Привилегијата да се биде толку блиску до оваа природна реткост, беше само мотив повеќе овој остров да се најде во нашата овогодишна понуда.

Зелениот остров или “Островот на сирените” – како во митологијата го нарекувале, денес е еден од најпосетуваните грчки острови. Можеби уште при првата средба со него, ви станува сосема јасно за тоа. Мноштвото природни убавини, согледани низ прекрасните плажи, скриените ували, боровите шуми и бујната вегетација која се симнува до самото море, овој остров го прави налик на “Шума која плови”.
 
Специфичниот и жив рељеф, сe карактеризира низ различните брегови и високите планински врвови кои допираат до над 1000 метри над морето. Неговиот пречник од 25 км и вкупната должина на брегот околу 100 км го бвројува во средните по големина грчки острови. Климата која пак, од сета таа природна специфичност се образува, престојот на него дури и ви жешките месеци го прави свеж и пријатен. Главен град е Лименас во кој се наоѓа и најголемото пристаниште. Добрите сообраќајни врски преку автопатот до Кавала, неговата мала оддалеченост од брегот, патот до Тасос го прави брз и поднослив особено за неговите туристи од Македонија.

ЛИМЕНАРИЈА 

Второ по големина место на островото е прекрасното гратче Лименарија. Заземајќи го своето место на најјужниот дел на островот, ова туристичко место е постојано заплиснато се топлото море и медитеранското сонце. Неговите песочни плажи над кои се спуштаат сенките на зелените дрва се специфична слика за него. Посетата на блиските и познати места како: Потос, Пефкари и Скала Потамиа со најубавата плажа на опстровото Golden beach… се само дополнителен впечаток и спомен, кој ќе го понесете со себе по вашето заминување од него.

БЕСПЛАТНО СМЕСТУВАЊЕ ЗА ДЕЦА И ЗА ТРЕТ ВОЗРАСЕН

Цените се однесуваат на пакет аранжман по лице (за 7 ноќевања со вклучен превоз), за минимум 2 лица по студио/апартман.

Цените се изразени во ЕУР за уплата во денарска пртиввредност (1 ЕУР = 61,80 МКД).

ПОПУСТИ И ДОПЛАТИ

- За деца 02-12 години > бесплатно (доплата за превоз 30 ЕУР)
- За трето лице над 12 години > бесплатно (доплата за превоз 50 ЕУР )
- Доплата за клима уред > на рецепцијата во објектите
- Намалување за патување со сопствен превоз -15 ЕУР од цената во табелата

* Сите попусти за деца и трето лице важат при сместување во соба со две возрасни лица

** Во студио/апартман дозволено е сместување на лица согласно предвидениот капацитет (број на кревети). Преку дозволениот број може да се смести максимум едно дете до 6 години во кревет со родител.